Maantel van zörg
Saomen met jou bin’k nooit allén
jij bint as ’n maantel um mij hen
Jij schoeft mij het stoere leven deur
geeft duustere daogen neie kleur
Jij geeft mij de juuste wegen an
zodat ik er weer tegen kan
Jij stoort je niet an mien gegraans
geeft mij altied opnei een kaans
Saomen met jou hef ‘t leven zin
jij zörgt da’k toch gelukkig bin
Zörgtaok
Zölf de jongste ok niet meer
aaid drok met aandermans zeer
Alles regeln wat maor neudig is
bij ’n onzekere gebeurtenis
As maantelzörger in het kwadraot
staoj altied klaor met raod en daod
Dan opeens is jouw maot vol
stopt je niet-oflaotende rol
het brok’lig lichaom lat je in de steek
jij vuult je min en daonig week
Daj deur de zörgtaok nou bint vloerd
hef oons dan ok slim ontroerd
©Janny Bruins 2013